[蘋果日報]
當年係監製葉廣權介紹我哋認識，自己第一首主打歌《叛逆漢子》就係佢幫我填詞，其實呢首歌詞真係好難唱㗎，因為啲字好硬，要逐個字逐個字讀出嚟，我喺錄音室練咗幾日，最後錄咗兩次先滿意。
自己非常信任所有填詞人為我寫嘅歌詞，其實我都有諗過《叛逆漢子》係咪寫緊潘源良自己？好想多謝佢為我寫咗咁多隻hit歌，雖然每首都好難唱，包括《夜迷宮》，但好多首歌都令我嘅唱功達到登峯造極嘅境界。當我見到今次演唱會海報，真係好鍾意，覺得潘源良真係好型好似坂本龍一！
《夜迷宮》關淑怡
「原來又再一次不小心走進夜迷宮」
解讀：關淑怡當年銳意改變形象，建立屬於自己的風格，潘sir便為她度身訂做這首歌，刻意用上一些較黑暗的詞如「深夜」、「漆黑」、「迷宮」來增添神秘感。
