2001.08.11 關淑怡密會演唱會搞手

[蘋果日報]

關淑怡前晚著住件透視衫，灣仔君悅酒店出現。記者本來想同佢傾幾句，但關淑怡一支箭就走入去，叫都叫唔住。

不過，後來見無線前監製、而家專搞演唱會既金廣城一齊跟埋入去，估計佢可能係傾演唱會既工作居多，唔通關淑怡準備復出？

2001.08.03 華仔累關淑怡新碟胎死腹中

[忽然一週#314]

關淑怡簽劉德華「天中」已有一段日子，歌亦已一早錄好幾首，但講到出碟就只聞樓梯響，一直未有落實。

有人以為係關淑怡要求高，搞到隻碟遲遲未出，但原來真相係因為有份投資「天中」的華仔自從與「天中」弗人李小麟反臉後，已經冇再理「天中」事務，「天中」冇條大水喉射住，惟有將好多計劃hold住，而關淑怡就好無辜咁成為犧牲品。

據聞，最初關淑怡張唱片係由「天中」製作，再交畀BMG發行，但依家咁情況，睇Shirley想再戰樂壇美夢都要破碎了。

---

關淑怡廣東碟流產

[紐約星島日報]

一直只聞樓梯響，不見人下來既關淑怡，隻國語大碟已經搞掂，不過張廣東碟就流產左，因為關小姐改來改去，錄完音又話唔滿意，改下改下，咪改到無左囉！唉！認真係岩！不過都要幫人地個荷包著想下！錄音都要錢架！