關淑怡三年前復出開演唱會，叫好叫座，以為年年開騷都能爆滿的她，今年再添食，可惜兩場騷只賣出六成飛，收入大減，又 要供養6歲大兒子Dick，支出龐大，唯有慳住使。日前，記者見她趁時裝店大減價，即為兒子搶買沙灘短褲及拖鞋，混入師奶兵團搶貨的她，不惜踎地揀衫，結 果胸前春光乍現。
當日約下午一時半，記者見素顏的關淑怡以黑皮褸內配低胸小背心現身IFC商場，由於關淑怡戴覑彩色Head Band，一頭亂髮加怪雞打扮，十分惹人注目。
雖然被人眼望望，但關淑怡見怪不怪，直踩入價錢大眾化、現正進行大減價的「ZARA」童裝部，只見她全程主攻搶購沙灘短褲和拖鞋，其間頻頻烏低身的她，慷慨地露出4吋長深坑，自知覑低胸背心易走光，關淑怡曾以手遮心口，可惜顧得上唔顧得下，踎地揀鞋時，春光依然任睇。
踎地揀鞋洩春光
為覓得心頭好，關淑怡不惜與師奶兵團鬥爭貨，在大堆凌亂的特價貨內左摷右摷，每當看見合心水的童裝，關淑怡例必先看價錢，再拿上手細看款式五分鐘，買每 一件也想過度過，睇中價值$229的人字拖更要研究足15分鐘，之後見$69一條短褲，關淑怡諗都唔諗就搶，成套沙灘裝埋單唔使$300，離去時，見記者 在場的她目露凶光，然後急急腳搭電梯離開。
關淑怡離去時見記者在場，立即目露凶光。
