[東方日報]
關淑怡自去年底宣布復出不久，又突然消失在娛樂界，早前更有傳她因為懷孕而與經理人解約，專心待產云云，不過昨日又有報道指關淑怡其實是想逃避傳媒及工作而假扮大肚，事件被揭發後，關淑怡的經理人公司對她已採取放棄態度，唱片公司亦坦承有段時間不見她蹤影，不過還有合約在身。
經理人公司已解約
昨日，記者致電簽下關淑怡的天中經理人公司負責人李小麟，他不諱言關淑怡早已和他們解約，至於關淑怡是否有如報道般假扮大肚？他淡然的表示：「我唔知，冇乜所謂。（會否向她追究？）唔會，佢都解約咯。」以李小麟的口氣，似乎對關淑怡已不存厚望。
此外，記者又致電華納宣傳部，發言人表示：「由始至終，關淑怡都冇講過話自己係咪大肚，又何來假扮大肚做宣傳。」她又表示：「之前佢出張國語碟，我合約話明只會台灣做宣傳，所以佢先唔會香港宣傳，咁樣已經做足佢自己本分，佢同我仲有合約，依家仲做緊廣東碟。」不過該發言人亦承認有段時間是找不到關淑怡。
關淑怡憔悴現身銅鑼灣
[蘋果日報]
我Apple姐一向都好欣賞我行我素女仔，好似女歌星關淑怡，佢感情生活一直都撲朔迷離。去年年底佢復出歌壇，上個月重有傳佢有六個幾月身孕，去加拿大隱居養胎。
不過，我Apple姐有個好姊妹早幾日話銅鑼灣見到關淑怡，見佢一臉憔悴、單人匹馬路過怡東酒店。
我個好姊妹重好細緻咁形容關淑怡衣同外形，重點梗係睇下佢個肚啦。
關淑怡個日著左件白色貼身上衣，同以前一樣咁瘦喎！冇理由生完BB收身收得咁快？
No comments:
Post a Comment