2009.11.06 關淑怡瘦顏揚佛

[忽然1周 # 745]

早前呂良偉搞咗個噶舉祈願大法會祈福齋宴，媽咪姐都有出席。當晚最出鋒頭嘅，除咗阿呂外，仲有帶埋細佬出席澄清緋聞嘅關之琳。不過，媽咪姐最 buy嘅係關淑怡。當晚佢一早到場，但就好低調咁坐喺後台，之後上台唱咗一首〈心經〉，唱完就即刻走人。一面素顏嘅佢，雖然瘦到有啲過分，但嗰份純粹行善揚佛嘅心，真係值得一讚！

獲大師頒贈紀念品，佢笑逐顏開，但就更顯頭髮線上移，面容枯瘦，一棚牙更加又黃又崩。睇嚟佢真係看破色相喎！