關淑怡自09年約滿星娛樂後，一直零工作零收入，早前更被爆出她要向友人借錢交租，生活坎坷。一向行事飄忽的她，經常自視過高唔願做，不過經濟出現問題，唔到佢唔馬死落地行。
適逢過氣經理人Herman Ho（何哲圖）俾「星娛樂」叮走，最近自組公司，二人一拍即合。但關淑怡神化麻煩個性早已傳通街，Herman為了幫她洗底，連月來安排她接慈善騷，更有意在年中為她籌備新大碟，重出江湖。不過，今鋪能否順利翻生，就要睇吓關小姐生唔生性！
關淑怡06年重返樂壇，簽約星娛樂做一姐，雖然兩次演唱會贏盡口碑，但她仍不改我行我素性格，遲到、失蹤、失場樣樣齊，又公開炮轟公司偏心同門師妹鍾嘉欣和鄭融，力斥公司宣傳不足，導致與公司關係破裂。去年她約滿後，雙方不再續約。
關
淑怡神化飄忽早已聞名娛樂圈，約滿後，沒有其他唱片公司敢接受這個大挑戰。失業近一年的關淑怡，坐食山崩。有傳近半年她都是借錢度日，曾向共事多年的「健
哥」借五萬元應急。健哥對借錢一事直認不諱，「佢無錢都無辦法o架，佢呢排真係無嘢做嘛，一個人帶住個仔，好慘o架﹗」
接到job至抽佣
近
日，有傳「星娛樂」二少薛嘉麟為縮減開支，連元老級高層何哲圖（Herman）亦要叮走。四月底離職的Herman惟有自組公司，而他首個簽約藝人就是關
淑怡。知情者話：「Herman同Shirley（關淑怡）識咗好多年，覺得佢仲有空間做，只要香港開到演唱會，再返大陸做巡迴，就有得賺。
Shirley以前唔肯返大陸唱，但最近佢終於就範，肯返大陸賺人仔。雙方傾好條件，接到job至抽佣，咁樣Herman唔怕對方扭計。」
為
了幫關淑怡洗底，Herman近日頻頻安排她出席慈善活動。上個月她除了出席灣仔的私人齋宴，為青海災民籌款外，又出席慈善大匯演，為玉樹災民唱歌籌款，
當日她全程由Herman傍住出入，可見兩人關係密切。6月6日，她更會聯同張學友、黃家強等，在Star
Hall舉行慈善音樂會，為非洲兒童建校籌款。
驚青喪避記者
上周關淑怡出席慈善騷記招，本刊記者向她求證簽新經理人公司一事，但
她一直匿在房中，更透過大會工作人員婉拒記者訪問。而當日只接受有線訪問的她，談到工作近況時，只說：「如果公布得我先會講，依家係圈內朋友幫我接
job。」離開時，記者上前截停她，她即驚慌話：「我有緊要電話要講！」然後跟友人在Starbucks嘆了近三小時咖啡，之後坐上有中港車牌的保母車離
去。
至於Herman，則直認自組公司及默認與關淑怡關係密切：「我依家係籌備緊間新公司。（第一個artiste係咪簽
Shirley？）要到六月先可以公布，因為我仲忙緊公司裝修嘅嘢。（合作成數好高？）我
哋私底下係好朋友，當然好嘅artistes都想合作。（上次青海籌款你都陪Shirley出席！）係大會邀請佢出席，唔係我line
up！（Shirley出山係咪困難重重？之前唔少負面新聞喎！）唔會嘅，好歌自然有人識欣賞。總之搞掂間公司，待方案落實，我一定會公布！」
No comments:
Post a Comment