關淑怡（Shirley）日前接受汪曼玲訪問，在節目中大談與仔仔相處的點滴，Shirley從未透露兒子生父是誰，計劃待兒子成年後，才向他坦白一切。
向來我行我素的Shirley，當年突然退出娛樂圈，產下兒子，母兼父職獨力撫養兒子。Shirley表明自己想法：「生仔係個人選擇，唔應該同工作混為一談，我始終係一個人，我有我人生；當時我真係好想做媽媽，咪生囉。」Shirley強調無後悔當年選擇。
外間一直對Shirley兒子的生父是誰十分感興趣，被問到兒子曾否向她問起此事，Shirley坦白回答：「佢（兒子）有企圖或意圖問爸爸係邊個，我將來會同佢講成件事，但唔係宜家，因為佢都未拍拖點會明拍拖，等佢有經驗先將成件事講佢知。」對於外間指曾志偉是兒子的爸爸，Shirley一臉嚴肅表示：「大家好咪覺得好得意？我覺得一都唔得意！只係一個話題！」
Shirley回想當年初當媽媽的日子：「都幾論盡，好多都係做媽咪先知，做媽媽當然係辛苦，尤其是係宜家媽咪。」（是否因為你是單親媽媽的緣故？）Shirley即時反駁：「我唔覺得係單身媽咪關係，完全唔係問題，不過做媽咪係唔易，仲要兼埋daddy份就更唔容易。」
跟娛樂圈完全唔夾 關淑怡坦認人太直
[頭條日報]
今年是關淑怡（Shirley）入行25周年紀念，為挑戰自己，47歲的Shirley事先張揚會做音樂劇同紀念演唱會。日前她接受有線《星級會客室》訪問，跟主持汪曼玲披露未來動向同大計：「今年想繼續開演唱會，睇搵唔搵到期。」說話堅定中帶點玄，極度切合關淑怡的性格。
在訪問中，關淑怡強調多年來一直我行我素，從來唔會理人：「我唔鍾意交際，20幾歲時已經成日留在屋企，唔會出去玩，因為我好需要個人空間；就算寶麗金年代，我和一班歌手好融洽，但係一聚頭就好嘈，我就會避開唔想講野，因為我講野唔夠佢地叻，加上我份人太直，聽我講野會好乏味。原則上我性格其實唔適合娛樂圈生存！」
對於曾經負面新聞纏身，關淑怡處之泰然，惟獨指她失場時立即澄清：「其實清醒点諗吓，主辦單位會唔會畀你咁容易失場，可唔可以話唔做就唔做呀？係唔可能的事。我以為謠言可以止於智者，但原來唔可以。基本上人傳，唔係我自己掌握到，若果我點做都做唔到100分，咁都唔係我選擇，我只可以做好自己本份，已經足夠。」關淑怡還透露看書和聽音樂可以幫助她穩定情緒：「我睇書同聽歌，其他野當睇唔到同聽唔到。」
以為謠言止於智者
對於入行以來的難忘片段，Shirley邊回味邊說，「曾經有段時間在日本發展，我記得有次影唱片封套，得零下二度，但係要夏天衫，企在海邊影相影兩個鐘，震到癲，但我一粒聲都無出，心諗點都要做，不如快手搞掂仲好。」
關淑怡兒子未知生父身分
[明報]
關淑怡日前接受電視節目訪問，談及她一直獨力撫養兒子，但從未透露兒子生父的身分時，關淑怡說：「兒子有企圖或意圖問爸爸是誰，我將來會告訴他整件事情，但不是現在，因為他還未拍拖，怎會明白拍拖是什麼一回事，待他有經驗再說。」對於外界指曾志偉是兒子的爸爸，關淑怡一臉嚴肅說：「我覺得一點也不有趣，只是一個話題！」
關淑怡無悔未婚生子
[太陽報]
關淑怡（Shirley）日前擔任有線高清娛樂台的節目嘉賓，細說當年未婚生子的經歷：「生仔係個人選擇，唔應該同工作混為一談，我始終係一個人，我有我嘅人生；當時真係好想做媽媽，咪生囉！」並強調無悔當年的選擇，她計劃待兒子成年後才告訴他生父的秘密。Shirley在節目中回應兒子生父是曾志偉的傳言：「大家係咪覺得好得意？我覺得一啲都唔得意！只係一個話題！」
No comments:
Post a Comment