即將舉行演唱會嘅關淑怡(Shirley)，今日下午現身商台做訪問，講到已經開始健身Keep Fit，亦戒食澱粉質保持身形，又話今次演唱會係回顧自己入行廿五年嚟嘅心路歷程，所以都唔會有太多勁歌熱舞。
問到囝囝見到佢排練同減肥咁辛苦，有冇錫番？佢話:「佢會做啲冧嘢，好可愛，不過淨係對住我先會，又戥我食得少心痛。」問到會唔會叫囝囝睇你或者拉埋佢上台演出？佢話:「我唔會逼佢睇，佢大個仔可以自由選擇，亦從未諗過叫佢上台表演。」
冧讚仔仔可愛！關淑怡嘆單親媽媽唔易做
[on.cc]
歌手關淑怡（Shirley）到電台宣傳下月舉行的演唱會，心情超靚的Shirley大方談到仔仔，由於她為個唱努力做運動修身及戒食澱粉質，問到仔仔有否為她打氣？Shirley說：「做單親媽媽係咁啦，希望香港好似外國一樣，女仔唔易做。」
問到仔仔有否攬住親吻？Shirley說：「佢會咁做，不過只係對我，佢好可愛。（仔仔有冇為你戒食而肉痛？）會呀。」問到仔仔現時有否拍拖？Shirley以「咁貼身問題唔答」作回應。
綵排進度良好
至於仔仔會否欣賞其演唱會？Shirley說：「唔知，等佢自由選擇，佢有睇過我做騷，我有我忙。（好多歌手都大方拖仔仔上台？）係咩？我諗都冇諗過。」近日忙於個唱綵排的Shirley透露進度良好，她說：「繼續努力，進度算快。（會喪跳舞？）唔會喇。」
但係關淑怡都不禁嘆喺香港做單親媽媽唔容易，唔似得喺外國咁。
關淑怡透露近日為個唱戒食澱粉質，努力做運動同修身。
關淑怡話開騷唔會帶仔仔上台，咁唔知佢仔仔會唔會去睇佢開騷呢？
關淑怡話仔仔巧打意，仲會攬住佢嚟錫錫，認真冧爆！
關淑怡講到仔仔即甜笑，心情睇嚟唔錯喎。
No comments:
Post a Comment