關淑怡（Shirley）今日喺北角為佢即將喺紅館舉行個場進行綵排，一眾男dancer伴住跳咗一節快歌《夜迷宮》，其中兩位大隻形男仲將佢抬起。關淑怡表示演唱會綵排得差唔不多，演出不乏舞蹈，不過近日因籌備演唱會而纖瘦，演唱會有冇高難度動作？關淑怡笑言：「要有咩高難度動作o架。」仲問身邊經理人買咗保險未。
關淑怡希望演唱會最火辣部份保持秘感，佢話：「唔畀大家睇哂住，秘密武器要收埋。」有傳關淑怡為陪囝囝到美國升學，今次會係告別演唱會，關淑怡話：「陪仔係真，其他嘢全部都唔係，係咪我定居嗰邊就唔會追我先，如果定居少啲是非我都冇所謂，只係阿仔去第二度讀書，其他嘢我冇講過，亦已解釋，希望是非遠離我啦。」關淑怡會繼續做新歌，未諗過真係退出，佢話：「我會繼續唱，歌係唱畀人聽，又唔係唱俾自己聽，囝囝起碼出年先去美國讀書，未有咁快住。」到時咪會好掛住囝囝？關淑怡話：「同其他父母一樣，但我唔希望阿仔太掛住我或唔捨得，唔想佢做媽媽boy，要學下獨立。」
此外，早前城巿電腦售票網壞機，令關淑怡演唱會只剩單人位，關淑怡剛剛才知道事情，經理人通知咗售票網已經修復，有指因壞機影響銷情，關淑怡話：「我乜都聽唔到，我冇聽過好難答你，只能專注自己表演，That's all I can do.」
關淑怡認陪子讀書 如粉絲不想退出會繼續唱
[星島日報]
關淑怡(Shirley)為演唱會下午到北角綵排，有報道指今次將會是她的告別演唱會，她為陪兒子讀書將定居美國，Shirley只承認16歲兒子會出國讀書，但其他報道不是事實，她反問是否定居美國便不再追訪？若然少一點是非，定居也無壞。
Shirley稱退出問題要看其他人，假如粉絲不想她退出，她都會繼續唱。說到兒子可能想她陪在身邊，她坦言不想兒子是「Mama''s boy」，這段時間學習獨立是最好。
No comments:
Post a Comment