樂 壇天后關淑怡（Shirley）闊別紅館5年，將會歸位開騷，於明年2月連開兩場《Your Favourite Shirley Kwan Suk "E" In Concert 2013》。為力谷聲勢，Shirley重新演繹陳奕迅金曲《陀飛輪》，向來有要求的她更是親自揀歌：「自己對首歌有感覺先會揀，呢個習慣冇改過！」
視父親為學習對象
《陀》教人珍惜光陰，Shirley入行多年來，無論人生、事業均經歷過高低起跌，但堅強的她從不覺自己錯過任何事：「唔覺得自己錯過咗任何嘢，亦唔覺懷才不遇，因為一個豐盛人生必須要試好多嘢！」
Shirley亦以爸爸為學習對象：「幾老都要繼續學，人生就係咁，好似爹哋一把年紀，對學問仲咁有心，自己都好相信呢樣嘢！」因此，她決意在明年個唱上大搞新意思：「想試吓唔同音樂，唔係只係傳統得一隊樂隊，想試吓Big Band Sound！」
談及最大的音樂理想，Shirley原來想搞一個大型音樂劇：「幾有意思、有意義，音樂劇同唱流行音樂唔同，對我嚟講係一個挑戰！」但相信歌迷暫時未有耳福，Shirley說：「想搞得藝術啲，但都係之後嘅事，唔會喺2年內，因為正式準備一個音樂劇要用成3年！」
No comments:
Post a Comment